ضامي العنا بكرسي الاعتراف [الأرشيف]

مشاهدة النسخة كاملة : ضامي العنا بكرسي الاعتراف

جليس القمر

03-14-2010, 01:00 PM

http://up4.m5zn.com/9bjndthcm6y53q1w0kvpz47xgs82rf/2010/1/27/09/emknv5hkb.gif

أخواني واخواتي الأعزاء أعضاء منتديات لذة مشاعر.. حفظكم الله

سوف يكون ضيفكم لهذا الأسبوع على كرسي الاعتراف

..
تعالوا معي لتتعرفوا أكثر عن قرب اخوكم وضيفكم العزيز ..

`·.¸¸.·´´¯`··._.·( ضامي العنا )`·.¸¸.·´´¯`··._.·`

ونود تذكير ضيوفنا الأعزاء بعَدَم التفضل بطرح أسئلة جارحه أو مهينه للضيف .

كما يحق للضيف الامتناع عن أي سؤال ..

ويحق للإدارة حذف الاسئلة التي تخرج عن حدود الأدب ..

ومدة الاستضافة أسبوع كامل يبدأ مِن هذا اليوم ..
لكم كل الشكر لكل من صوت لي .......
تقبلوا أرق تحية وتقدير ،،
ودُمتم بخير

ضامي العنا

03-14-2010, 01:07 PM

(http://www.lamst-7ob.com/vb/t23846.html)إنا لله وإنا إليه راجعون .. اللهم لا راد لقضائك ولا معقب لأمرك (http://www.lamst-7ob.com/vb/t23846.html)...الله يسامحك ياأخي عذب المشاعر....

اللهم لا سهلا الا ماجعلته سهلا...>>>>> حاسس انه داش أمتحان هههههههههههههه

الشكر والاحترام لكل من رشح أسمي وبأذن الله اني اكون ضيف خفيف ع قلوبكم <<< وين باب الخروج ياشيخ ان شفتوه مره ثانيه

(http://www.lamst-7ob.com/vb/t23846.html) (http://www.lamst-7ob.com/vb/t23846.html)
(http://www.lamst-7ob.com/vb/t23846.html)

الجوهره

03-14-2010, 02:03 PM

هاااالووووووووووووووو

اشلونك ضاميوووو نورت الكرسي ... عن جد عن جد منور الكرسي هههههه

بدايه : الف شكر لكل من صوت للسجين ضاميوووو لاستضافته هنا

يللا نبدأ ..

1_ صف لنا شخصيتك بثلاث كلمات ؟؟ ((( ثلاثه يعني ثلاثه لاتزيد ولا تقل)))

2_كيف تعرفت عالمنتدى ؟؟؟

3_ هل هناك منتديات اخرى تتواجد بها غير منتدى لذه مشاعر؟؟؟

4_ما الذي يزعج ضااااااااااامي في هذا المنتدى؟؟؟؟

5_أين تجد نفسك في أقسام المنتدى .. أكثر شيء .. وترا أن بإمكانك أن تبدع فيه لو وضعت مشرفا عليه ؟؟؟

6_سبب اختيارك للنك نيم (( ضامي العنا )) ؟؟؟ >>>>>خاطري اعرف ...

7_ ماذا تعني لك تلك الاسماء

الجوهره
مجنونة بافكارها
وطن
عذب المشاعر
كاره النساء
احبك ومرتاحه
راجوووووو >>>> حبيب قلبي هههههه

8_ كلمه لاخيره توجهها للجوهره فديتها هههههه ؟؟؟

وسلاااام عسى ماثقلت عليك .. امسحها بوجهي

لي عوووووووووووووووووده >>>>>> راح اجيب راااااااااجو وارجع تبي شئ من البقاله .... لا تخاااااااااف ببلاش هههههههههههههه

رومــآنتك

03-14-2010, 02:13 PM

مرحبآ ضامي

اخش بالاسعله طوالي

1) وش رايك بفيس انغام؟ خصوصاً عيونها !

5)وش رايك بصوت ذكرى وذوقهآ في اغانيهآ ؟

16) وبس سلامتك

اهم شي سؤال 16 ض1

الجوهره

03-14-2010, 02:48 PM

بااااااااااااااااك يا احلى سجييييييييين ههههههههههههههه

يللا نبدأ

استعد >>>>>>>>داش حرب ههههههههههه

1_
ماذا تكتب بـ/ الفحم ..
ماذا تكتب بـ / قلم الرصاص ..
ماذا تكتب بـ / قلم أحمر ..
ماذاتكتب بـ / بخاخ أسود ..

3_
6ورداااات لمن تهدينهـا :-

ورده حمراء :

وردة صفراء :

وردة بيضاء :

ورده زرقاء :

ورده بنفسجية :

وردة سوداء :

4_ احلى صدفه بحياتك ؟؟؟

6_ متى أخر مره ضحكت من كل قلبك << يعني أغمى عليك من الضحك .. وليش ؟

7_أنسب هالصفات الى الاعضاء :
عضو / هـ توقيعه روعه..
عضو / هـ تتمنى معرفه اسمه الحقيقي..
عضــو / هـ يعجبك أسلوبه وطريقـة ردوده..
عضو / هـ ودك تقوله صح لسانك ..
عضو / هـ تحس انه طموح..
عضـو / هـ يناسبه لـقب حبوب..
عضو / هـ المنتدى بدونه ولا شي ..
عضو / هـ غامض ..
عضو / هـ حساس ..
عضو / هـ ودك تتضارب معاه..

8_ ما تحس إن اسئلتي ثقيله عليك ؟؟؟

9_ ما لا حظت إن ما في سؤال خامس ولا ثاني ؟؟؟ >>>>> قول الصراااااااااااااااااحه

ضامي العنا

03-14-2010, 03:02 PM

<<<< يذكرها بكلام المدير هههههاي

((كما يحق للضيف الامتناع عن أي سؤال ..))

ضامي العنا

03-14-2010, 04:07 PM

هاااالووووووووووووووو

هلا بك..

اشلونك ضاميوووو نورت الكرسي ... عن جد عن جد منور الكرسي هههههه

بدايه : الف شكر لكل من صوت للسجين ضاميوووو لاستضافته هنا

يللا نبدأ ..

1_ صف لنا شخصيتك بثلاث كلمات ؟؟ ((( ثلاثه يعني ثلاثه لاتزيد ولا تقل)))

ضامي العنا وبس..

2_كيف تعرفت عالمنتدى ؟؟؟

جاني ايميل من الاداره...يمكن عشاني كنت مسجل زمان بموقع قلب مسقط..

3_ هل هناك منتديات اخرى تتواجد بها غير منتدى لذه مشاعر؟؟؟

نعم..

4_ما الذي يزعج ضااااااااااامي في هذا المنتدى؟؟؟؟

لابد من تشيط المنتدى بالمسابقات ودعوات للاعضاء الجدد..

5_أين تجد نفسك في أقسام المنتدى .. أكثر شيء .. وترا أن بإمكانك أن تبدع فيه لو وضعت مشرفا عليه ؟؟؟

الخواطر..بس عفيه شيلي سالفة الأشراف..

6_سبب اختيارك للنك نيم (( ضامي العنا )) ؟؟؟ >>>>>خاطري اعرف ...

صدقيني من أيام الجامعه وانا اكتب الشعر والخواطر بذا الأسم...ورسخها اكثر أغنية العنا للمحمد عبدهـ...

7_ ماذا تعني لك تلك الاسماء

الجوهره: نشاط وحماس..
مجنونة بافكارها: حضور راقي..
وطن: تواجد مميز..
عذب المشاعر: المدير..
كاره النساء:حبيب وطيب حيل..
احبك ومرتاحه: هدوء رائع..
راجوووووو >>>> حبيب قلبي هههههه : هذا عاد كلش حبيب روحي..هههه

8_ كلمه لاخيره توجهها للجوهره فديتها هههههه ؟؟؟

الله يسعدك دوم مميزه بحضورك وتواجدك الراقي..أنا الي أتمنى توجهيني وتنصحيني بما أنك أقدم مني أهنيه..
وسلاااام عسى ماثقلت عليك .. امسحها بوجهي

لي عوووووووووووووووووده >>>>>> راح اجيب راااااااااجو وارجع تبي شئ من البقاله .... لا تخاااااااااف ببلاش هههههههههههههه

مشكووره ع المرور وان شاء الله دوم متواجدهـ

ضامي العنا

03-14-2010, 04:09 PM

مرحبآ ضامي

مرحبا بك زوود

اخش بالاسعله طوالي

1) وش رايك بفيس انغام؟ خصوصاً عيونها !

صوتها أحلى ...

5)وش رايك بصوت ذكرى وذوقهآ في اغانيهآ ؟

روعه ...أعشق أغانيها...

16) وبس سلامتك

الله يسلمك يارب..
اهم شي سؤال 16 ض1

كلك ع بعضك مشكوووره ولاهنتي..

ملك العقول

03-14-2010, 04:14 PM

اهلين خيوووه منور الحته ...وحياك ربي...

س1/ماذا يعني لك المنتدى....؟؟
س2/ماهو تقييمك لهذا المنتدى....؟؟
س3/ هل تود اضافة قسم غير موجود ...اذا كانت الاجابه بنعم اذكره لكي تتم دراسته من قبل الاداره؟؟؟
هذه اسئله حول المنتدى...والباقي مع الطريق...
لي رده..اذا الله اراد...
وشكرا لصدركـــ الرحب

ضامي العنا

03-14-2010, 04:17 PM

بااااااااااااااااك يا احلى سجييييييييين ههههههههههههههه

يللا نبدأ

استعد >>>>>>>>داش حرب ههههههههههه

1_
ماذا تكتب بـ/ الفحم .. يالله انك تغفر لي..
ماذا تكتب بـ / قلم الرصاص .. مسموحه يادنيا
ماذا تكتب بـ / قلم أحمر .. نسيتكِ
ماذاتكتب بـ / بخاخ أسود .. لاترجعين أبد.

3_
6ورداااات لمن تهدينهـا :-

ورده حمراء : لكل من مر بالموضوع هذا..

وردة صفراء :للمدير..

وردة بيضاء :لذه مشاعر..

ورده زرقاء : للمشرفين..

ورده بنفسجية : للمشرفات

وردة سوداء : للحظي...

4_ احلى صدفه بحياتك ؟؟؟
دخولي الجامعه..

6_ متى أخر مره ضحكت من كل قلبك << يعني أغمى عليك من الضحك .. وليش ؟
بالويكند الي طاف..حضرت فيلم طارق العلي...هههههه يموتني من الضحك..

7_أنسب هالصفات الى الاعضاء :
عضو / هـ توقيعه روعه.. عاشق السلطنه
عضو / هـ تتمنى معرفه اسمه الحقيقي..كاره النساء
عضــو / هـ يعجبك أسلوبه وطريقـة ردوده..مجنونه باأفكارها
عضو / هـ ودك تقوله صح لسانك .. كبرياء عذب
عضو / هـ تحس انه طموح.. وطن
عضـو / هـ يناسبه لـقب حبوب..زيزو
عضو / هـ المنتدى بدونه ولا شي ..عذب المشاعر
عضو / هـ غامض .. رومانتك
عضو / هـ حساس ..أحبك ومرتاحه
عضو / هـ ودك تتضارب معاه..الجوهرهـ

8_ ما تحس إن اسئلتي ثقيله عليك ؟؟؟يعني تقدرين تقولين هههههه

9_ ما لا حظت إن ما في سؤال خامس ولا ثاني ؟؟؟ >>>>> قول الصراااااااااااااااااحه

هههههههه وربي مالاحظت ههههههه

هههههههه يكفي اليوم ههههههههههههه نكمل بكرررررهـ

ضامي العنا

03-14-2010, 05:12 PM

اهلين خيوووه منور الحته ...وحياك ربي...

الله يسعدك ويبارك بعمرك يارب..النور نور الموجودين...

س1/ماذا يعني لك المنتدى....؟؟

أممم..لسه بدري ع الأجابه.....

س2/ماهو تقييمك لهذا المنتدى....؟؟

2 من10

س3/ هل تود اضافة قسم غير موجود ...اذا كانت الاجابه بنعم اذكره لكي تتم دراسته من قبل الاداره؟؟؟

الاقسام وايد وزياده..ولكن الأهم تفعيل الاقسام ووضع 2 مشرفين مع مراقب واحد..لكل قسم..

هذه اسئله حول المنتدى...والباقي مع الطريق...
لي رده..اذا الله اراد...
وشكرا لصدركـــ الرحب

يسعدني تواجدك وسعيد جداً بمرورك وأسئلتك الرائعه..

ضامي العنا

03-14-2010, 05:14 PM

:36_1_4[1]: الله يسامحكم ...ماتعرفون اني اكسل ماخلق ربي...هههههه

وطــــن

03-14-2010, 06:26 PM

أحبكـ و مرتاحهـ

03-14-2010, 09:33 PM

كارهـ النساء

03-15-2010, 02:52 AM

ٱﯙﺗـآرٱلـحزטּ..~

03-15-2010, 04:08 AM

مرحبا ضامي كيفك؟
س1:ماأفضل لون لديك؟
س2:من هو ناديك المفضل؟
س3:ما نوع الأفلام التي تفضل؟
وبسسسسسسسسسسسسسس هاذا اللي عندي..

ضامي العنا

03-15-2010, 07:03 AM

ههههههههههههههههههههه
ضااااامي شنو هذا غبت عنكم بس كم ساعه
متى صار هالاستجواب >>>
يالله ماعندي الا سؤال واحد من شقين
اسمك الحقيقي وعمرك >>> ترا ماني خطابه مثل مايقول كرووووووهـ
بس من باب الفضول لااكثر

أسمي : ضامي العنا
عمري: ماينحسب بالأيام والسنين..عمري فرح وابتسامه زرعتها ع جبين الحبيب..

ضامي العنا

03-15-2010, 07:08 AM

هلا والله في أخونا العزيز (ضامي )..اولا اتفضل القهوه

http://thumbs.bc.jncdn.com/f732dbcf626cc4a14b823c217c036b1a_lm.jpg

1- إذا عينوك رئيس جمهوريه وش أول ثلاث قرارات تقوم بيها؟؟

أبني منزل لكل مواطن
أوظف جميع الشباب والشابات
أبني مسجد في كل حي

2 - من الحياة ..ماذا تعلمت ؟؟

الصبر مفتاح الفرج...

3 - من شاعرك المفضل ؟؟

ماكو شاعر مفضل احب القصيده الجميله وأتذوقها

4 - ماهي عيوبك ومميزاتك من وجهة نظرك ؟؟

عيوبي ومميزاتي أتركها لكم فاأنتم مرأتي..

وماراح اطول وانتظر اجاباتك

لك تقديري واحترامي

شكراً ع القهوه وكلك ذووووووق,,,ولكِ جل الشكر والتقدير...ودووووم عساك ع القوهـ

ضامي العنا

03-15-2010, 07:11 AM

منور الحته ضامي :36_11_14[1]:

الجوهره انتي مثل كونان <<<<<<<<<<<<<< ما قال شي :36_7_8[1]:

خلك بلكرسي لين يخيب تعبك مثل ما تقول جدتي <<<<<<<<<<<<:36_1_31[1]:

انتي عضو نشيط <<<<< يلمح لعذب المشاعر :36_1_12[1]:

يستاهل ترقيه يا مدير :36_1_31[1]:

مشكووور يالغالي ع المرور ونورك مغطي الحته كلها....وع فكره زين فتحت المووووضوووع شيلوا فكرة التررقيه ابد...ضامي عضو وراح يظل الى أخر يوم عضو..ههههههههه ماكو طموح كلش ههههه

الجوهره

03-15-2010, 12:50 PM

حيا الله ضاااااااااااامي ..^_^

ها كيف الكرسي عساك مرتاااااااااااااااح فيه ...

يللا نبدأ ..

1- من هو العضو الذي تراه مميزاً في نظرك ؟
2- من هو العضو الذي تتمنى طرده من المنتدى ؟
3- من هو العضو الذي تتمنى أن تعرف أسمه الحقيقي ؟
4- من العضو الذي يمتلك أجمل أسم في هذا المنتدى برأيك ؟
5- من هو العضو الذي تتمنى أن تغير أسمه ؟ .. ولو غيرت أسمه فماذا تختار له من أسم بذوقك ؟
6- من هو العضو الذي تتمنى أن تستضيفه بسياحة في بلدك ؟
7- من هوالعضو الذي تتمنى أن تلتقي معه في حلبة المصارعة ؟
8- ما أجمل موضوع قرأته في هذا المنتدى وتنصح غيرك بقرأته ؟
9- مالموضوع الذي لا تتمنى من أحد قرأته ؟
10- ما الكلمة التي أحببت أن تقولها للأعضاء عامة أو لأي عضو خاصة ولم تتاح لك الفرصة لقولها ؟

جاااااااني تلفوووووووون شوي وراجعه لك ..

هههههههههه

الجوهره

03-15-2010, 01:11 PM

السموووووووووووحه ضااااااااميووو

هذا رااااااااااجوووو داق علي هههههههههه

يللا نبدأ مرة ثانيه خخخخخ

1- ماهو فريقك المفضل محليا وعالميا

2- من هو نجمك المفضل محليا وعالميا

3- ماهي أجمل مباراة شفتها في حياتك

4- إذا انهزم فريقك المفضل تتضايق مره ولا عادي..

5- اذا فاز فريقك كيف تعبر عن فرحك..

6 - هل تمارس اي نوع من أنواع الرياضه..

يللا انا بروح البقااااااااااله وبرجع لك

ما راح اتأخر هههههههههههههه

سي يووووووووووو

ضامي العنا

03-15-2010, 01:49 PM

<<<< لعنبو عدوها مابقى الا تسأل وش اسم امك وكم رقم البطاقه السكانيه هههههههههه وتلوموني ليش أكرررررررررررررررررررررررهها هههههههه

الجوهره

03-15-2010, 02:01 PM

هههههههههههههههههههههههههههههههه

وانا اكرهك اضعاف ما تكرهني يا المسسسسسسسجووووووووووووون

بعدك ما شفت شئ

هاي اسمها مقبلات للأسئله

ههههههههههههههههههههههههههههه

قلبي مشاعر

03-15-2010, 02:38 PM

نورت الكرسي
والله يعينك خخخخخ

1/ بيت شعر دايم تردده ولمن تهديه ؟؟؟

2/ اكثر عضو بالمنتدى يلفت انتباهك بنشاطه ؟؟؟

3/ ما سر صحبتك مع السجن خخخ ؟؟

تقبل مروري ...

وطــــن

03-15-2010, 04:38 PM

أسمي : ضامي العنا
عمري: ماينحسب بالأيام والسنين..عمري فرح وابتسامه زرعتها ع جبين الحبيب..

ياااعيني ع الاجابه الدبلوماسيه >> هههههههه
لو قايل اعتذر عن الاجابه احسن
على كل حال شكرا انك عبرت سؤالي

ضامي العنا

03-15-2010, 05:51 PM

حيا الله ضاااااااااااامي ..^_^

الله يحيك ويبقيك...ووراك جايه هالون يد ورى ويد قدام..جيبي شاي ..جيبي قهوهـ هههههه صج بخيله...

ها كيف الكرسي عساك مرتاااااااااااااااح فيه ...

يللا نبدأ ..

1- من هو العضو الذي تراه مميزاً في نظرك ؟
الكل مميز بذوقه وحضورهـ

2- من هو العضو الذي تتمنى طرده من المنتدى ؟
عضوين وليس واحد.....بعدين اقولك منهن<<<< لاحظي نون النسووهـ ههههه

3- من هو العضو الذي تتمنى أن تعرف أسمه الحقيقي ؟
ماكو احد ببالي...

4- من العضو الذي يمتلك أجمل أسم في هذا المنتدى برأيك ؟
ضامي العنا>>>> كيفي ههههه القرد بعين امه غزال ههههه

5- من هو العضو الذي تتمنى أن تغير أسمه ؟ .. ولو غيرت أسمه فماذا تختار له من أسم بذوقك ؟
كاره النساء ..ببدله عاشق النساء <<<< عناااااد ههههههه

6- من هو العضو الذي تتمنى أن تستضيفه بسياحة في بلدك ؟
الكل حياكم الله ع حسابكم ههه

7- من هوالعضو الذي تتمنى أن تلتقي معه في حلبة المصارعة ؟
تعرف نفسها مضبووط ودي اكسر راسها هههههه

8- ما أجمل موضوع قرأته في هذا المنتدى وتنصح غيرك بقرأته ؟
السبب الرئيسي لمشاكل العالم (http://www.w10w.net/vb/t7179.html)

9- مالموضوع الذي لا تتمنى من أحد قرأته ؟
مافيه..

10- ما الكلمة التي أحببت أن تقولها للأعضاء عامة أو لأي عضو خاصة ولم تتاح لك الفرصة لقولها ؟
أحبكم جميع..والله يسعدكم يارب...

جاااااااني تلفوووووووون شوي وراجعه لك ..

خذي راحتك اكيد الصرف ع المتصل ههههههه

هههههههههه

حياك الله دوووم...

ضامي العنا

03-15-2010, 05:55 PM

السموووووووووووحه ضااااااااميووو

هذا رااااااااااجوووو داق علي هههههههههه

ههههههههه مينونه قايل لكم ههههههه

يللا نبدأ مرة ثانيه خخخخخ

1- ماهو فريقك المفضل محليا وعالميا
محلياً ماكووووووو كلش...وعالمياً مانشتر يونايتد

2- من هو نجمك المفضل محليا وعالميا
محلياً !!!!!...عالمياً ميسي الأرجنتيني..

3- ماهي أجمل مباراة شفتها في حياتك
اي مباراه بدوري الاوربي جميله وروعه..

4- إذا انهزم فريقك المفضل تتضايق مره ولا عادي..
عاااااااااادي ولا كأنه شي صار <<< باااااااااارد هههههه

5- اذا فاز فريقك كيف تعبر عن فرحك..
أصفق بيدي بكل هدووووء..

6 - هل تمارس اي نوع من أنواع الرياضه..
السباحه يومياً<<< يعشق الرياضه هذي..

يللا انا بروح البقااااااااااله وبرجع لك

ما راح اتأخر هههههههههههههه

ههههههههههههه

سي يووووووووووو

يعطيك العافيه تعبناك معانا بالأسئله <<< افهميها يالكررريهه هههههههه

ضامي العنا

03-15-2010, 05:58 PM

نورت الكرسي
منور بطلتك يالغلا..
والله يعينك خخخخخ

1/ بيت شعر دايم تردده ولمن تهديه ؟؟؟

لي خاب ظنك بالرفيق الموالي ..مالك مشاريهاً على باقي الناس..

2/ اكثر عضو بالمنتدى يلفت انتباهك بنشاطه ؟؟؟
الكل ماشاء الله مبدعين..

3/ ما سر صحبتك مع السجن خخخ ؟؟
هههههههه حرام عليك ههههههه وربي مظلوووم..وهذا دليل ياما بالسجن مظاليم هههههه

تقبل مروري ...

أسعدني مرووووورك وحضورك..عساك دوم ع القوهـ

ضامي العنا

03-15-2010, 05:59 PM

ياااعيني ع الاجابه الدبلوماسيه >> هههههههه
لو قايل اعتذر عن الاجابه احسن
على كل حال شكرا انك عبرت سؤالي

افا عليك وطن خيتو ..مو ضامي الي يطنش والا مايعبر..جيتك بروحها اعتبرها تاج ع راسي ووسام ع صدري...

أنتظرك هنا مره أخرى<<< لاتصدقين هههههههههه

الجوهره

03-15-2010, 06:37 PM

انا جييييييييت ضاميوووو

جايه ركض من البقااااااااااااااله ههههههههههههههههههههه

مشتاقه اشوفك واتسلى معاك بالاسئله هههههههههههههههههه

احم احم

- شو لونك المفضل؟
- كم أخو وكم اخت عندك ؟
- شو ترتيبك بين اخوانك ؟
- هل انت عصبي ؟؟
- الشخصيه اللي تتمنى تقابلها ( من او خارج المنتدى )؟؟
- ماهي الأكلات إللي تحبها؟؟
-اذكر البلدان اللي زرتها وإللي تتمنى تزورها ؟؟
- شو الأشياء اللي ودك تغيره فشخصيتك؟؟
- شو الشي اللي اثر على حياتك ( سوا شخص او قرار او غيره )؟؟ وشو كان تأثيره عليك ( يعني زين ولا شين ) ؟؟
- تاريخ يوم مابتنساه طول عمرك؟
- منو من الاعضاء ترتاح له او لها؟
-متى تشعر بالامان والطمأنينه؟؟
- انسان مر بحياتك واتمنيت لو انك عرفته من زمان؟
- موقف صار لك وبكاك؟
- اذا طلع لك المارد واكيد بيطلب منك ثلاث امنيات شو بتتمنى؟
- شو اسم خدامتكم ؟
- هل تشعر بقصور المشرفين في الردود ؟
_هل تشعر بقصورك في الرد على الاعضاء؟
- كم عندك بيزات في المحفظة ؟
- مليت مني ولا بعدك ؟
- منو من الأعضاء يقرب لك ؟
- 1+1 = كممم ؟؟؟
- شلي تفضله تكون مدير الموقع ولا نائب المدير؟
- شو تعشيت اليوم ؟
- شلي يشدك اكثر شي في المنتدى؟؟
- منو من الاعضاء إللي ينرفزك؟؟؟
- ما هدفك في الحياه؟؟؟
- قدم نصيحة لأحد الأعضاء ....؟؟؟
- يقولون ( صدق نصف ما تسمع) ما رايك بهالمقوله؟؟ هل تتبعها ام لا ؟؟ ولماذا؟؟
- لو وصلتك رساله خاصه من المنتدى تتمنى تكون من منو ؟؟
- لو عطوك الصلاحيه تحطي عضو مشرف من بتختار وليش وفي اي قسم بتحطه؟؟
- من العضو اللي تستانس بوجووده بالمنتدى ؟؟
- شئ تمنيته ولم يتحقق حتى الآن ؟
- الحكمة التي تمشي عليها ؟
- إذا لم تكون( ضامي العنا ) فماذا تريد يأن تكون ؟
- لو أعطي ( ضامي العنا ) ورقة وقلم ماذا سيكتب ؟
- عطيني اسم واحد فقط لـ ...

* عضو يعرف عنك الكثير؟

* عضو ينافسك؟

* عضو تحاول التقرب منه والتعرف اليه؟

* عضو غامض؟

* عضو طيب ؟

* عضو ما ترتاح له ؟

* عضو حزين ؟

* عضو ودك تسطره بطراق يلف ويهه لف ؟

* عضو منقهر منه ؟

* عضو اتحب اتغايضه ؟

_شو رايك بكرسي الاعتراف؟؟
_شو نوع موبايلك؟
_شو أخر مسج وصلك ومن منو؟
_من هو الانسان إللي تعتبره بئر اسرارك؟
ما هي اكبر تضحيه قدمتها في حياتك؟
_ شو رايك بالسجن ؟؟؟ >>>> عندك خبره فهالمكان ههههه
_كلمه تحب تقولها لي ؟؟ >>>>>>>>>>>>>>>>> اكيد اكرهج هههههههههههههههههه

يللا اخليك الحين
لا تخاف ما خلصت لي عوده^_*
قاعدين نتسلى انا وإنت ... هههههههههههههههههههههههههه

وطــــن

03-15-2010, 08:36 PM

جووووووجو ههههههههههههههه
ارحموا من في الارض يرحمكم من في السماء
والله لو ذابح امج وبايق حلال ابوووج موجذي >> ههههههههههه

الجوهره

03-15-2010, 09:21 PM

هههههههههههههههههههههههههه

بعده وطووووووونه حبيبتي ماشاف شئ ...

اسئلتي فالطرييييييييييييييج ههههههههههههههههههههههههه

ضامي العنا

03-16-2010, 07:38 AM

انا جييييييييت ضاميوووو

<<< يقول بخاطره هذي وش جابها ههههههههه

جايه ركض من البقااااااااااااااله ههههههههههههههههههههه

<<< كان وده وأهيه تركض تركفست ع راسها هههههه

مشتاقه اشوفك واتسلى معاك بالاسئله هههههههههههههههههه

تشتاق لك العافيه <<< ذابحها..ذابحها هههههههه

احم احم

- شو لونك المفضل؟
الاسود

- كم أخو وكم اخت عندك ؟
2 صبيان و2 بنات

- شو ترتيبك بين اخوانك ؟
الاخير

- هل انت عصبي ؟؟
لا

- الشخصيه اللي تتمنى تقابلها ( من او خارج المنتدى )؟؟
الوليد بن طلال كوده يسلفني 20 مليون بس

- ماهي الأكلات إللي تحبها؟؟
البحريه أكيد

-اذكر البلدان اللي زرتها وإللي تتمنى تزورها ؟؟
زرت أمريكا واكثر دول اوروبا..وماليزيا واندونيسيا وسنغافوووره ودول الخليج كلها ماعدا عمان وزرت لبنان وسوريا..باقي اتمنى اليابان و مصر ام الدنيا..

- شو الأشياء اللي ودك تغيره فشخصيتك؟؟
البرود

- شو الشي اللي اثر على حياتك ( سوا شخص او قرار او غيره )؟؟ وشو كان تأثيره عليك ( يعني زين ولا شين ) ؟؟
مااذكر شي ..اموري طيبه والحمدلله..

- تاريخ يوم مابتنساه طول عمرك؟
تخرجي من الجامعه..

- منو من الاعضاء ترتاح له او لها؟
الكل اخواني وخواتي..

-متى تشعر بالامان والطمأنينه؟؟
بعد صلاة الفجر..وانا طالع من المسجد..

- انسان مر بحياتك واتمنيت لو انك عرفته من زمان؟
ماكو والحمدلله..

- موقف صار لك وبكاك؟
والله بصراحه دموع ابوي في يوم تخرجي ..لانه اول مره اشوف ابوي يبكي..وطبعاً كانت دموع فرح..

- اذا طلع لك المارد واكيد بيطلب منك ثلاث امنيات شو بتتمنى؟
أتمنى يحفظ لي امي وابوي..
يوفقني بعملي..
يحفظ لي كل غالي ع قلبي..

- شو اسم خدامتكم ؟
هههههههه وجع وش تبين فيها هههههه اسمها نــور..

- هل تشعر بقصور المشرفين في الردود ؟
والله القصور من الجميع..بصراحه المنتدى يبي له شغل مو بسيط..بس البركه بالاداره الله يوفقهم..

_هل تشعر بقصورك في الرد على الاعضاء؟
الحكم عليكم ههههههههه انتو تشوفون وتحكمون..

- كم عندك بيزات في المحفظة ؟
الحمدلله مستووور الحال <<< فلوسه خلصت كلها بالبقاله ههههههه

- مليت مني ولا بعدك ؟
من زمان وانا مال منك وأكرررررررهك وانتي عارفه شعوري..

- منو من الأعضاء يقرب لك ؟
ماكو احد..

- 1+1 = كممم ؟؟؟
وجع ههههههههه والله ذابحك ..ذابحك يالكرريهه هههههههههه

- شلي تفضله تكون مدير الموقع ولا نائب المدير؟
اكيد مدير الموقع هههههههههه

- شو تعشيت اليوم ؟
والله ماتعشيت كنت شوي تعبان ويادوب تروشت ونمت بدرررررري هههههه

- شلي يشدك اكثر شي في المنتدى؟؟
كله ع بعضه حلوووووووو..يكفي تواجد الاخوان والاخوات الطيبين..

- منو من الاعضاء إللي ينرفزك؟؟؟
ماكو غيرها تعرف نفسها ههههههههه

- ما هدفك في الحياه؟؟؟
رضى الله ثم رضى الوالدين..

- قدم نصيحة لأحد الأعضاء ....؟؟؟
لاتقسى على أحد فكلنا هنا اخوان وأخوات..ومن يحترم نفسه الكل يحترمه..

- يقولون ( صدق نصف ما تسمع) ما رايك بهالمقوله؟؟ هل تتبعها ام لا ؟؟ ولماذا؟؟
مقوله 100% صحيحه..

- لو وصلتك رساله خاصه من المنتدى تتمنى تكون من منو ؟؟
من عذب المشاعر يحطني مدير الموقع ههههههههه << والله شكلها باااند هههههه

- لو عطوك الصلاحيه تحطي عضو مشرف من بتختار وليش وفي اي قسم بتحطه؟؟
والله زي ماقلت لك المنتدى يحتاج له شغل وااااايد..

- من العضو اللي تستانس بوجووده بالمنتدى ؟؟
الكل وربي عسل ع قلبي..

- شئ تمنيته ولم يتحقق حتى الآن ؟
الحمدلله كل ماتمنيته حصلت عليه..

- الحكمة التي تمشي عليها ؟
أحكم على الناس بنفسك ولا تأخذ حكم الغير ابد..

- إذا لم تكون( ضامي العنا ) فماذا تريد يأن تكون ؟
ضامي العنا..

- لو أعطي ( ضامي العنا ) ورقة وقلم ماذا سيكتب ؟
أكــــــــــــــرهـــــــــــــــــــك

- عطيني اسم واحد فقط لـ ...

* عضو يعرف عنك الكثير؟
ضامي العنا

* عضو ينافسك؟
ضامي العنا << ابوك ياثقه ههههههه

* عضو تحاول التقرب منه والتعرف اليه؟
عذب المشاعر <<< كوده يحطني مدير ههههههه

* عضو غامض؟
كاره النساء

* عضو طيب ؟
عاشق السلطنه

* عضو ما ترتاح له ؟
ماكو..

* عضو حزين ؟
ماكو..

* عضو ودك تسطره بطراق يلف ويهه لف ؟
الجوهره هههههههه

* عضو منقهر منه ؟
وطن....

* عضو اتحب اتغايضه ؟
الكريهه هههههه

_شو رايك بكرسي الاعتراف؟؟
وربي عذاااااااااااب ههههههه

_شو نوع موبايلك؟
n95

_شو أخر مسج وصلك ومن منو؟
قعدني الساعه 11 من واحد من ربعي..شكله عنده مشوار موهم ههههههه

_من هو الانسان إللي تعتبره بئر اسرارك؟
ضامي العنا..

ما هي اكبر تضحيه قدمتها في حياتك؟
أني تركت المنتدى السابق الي كنت فيه...

_ شو رايك بالسجن ؟؟؟ >>>> عندك خبره فهالمكان ههههه
روووووووعه ع الاقل ترتاح ماتشوف وجيه ناس تضيق صدرك هههههههههه

_كلمه تحب تقولها لي ؟؟ >>>>>>>>>>>>>>>>> اكيد اكرهج هههههههههههههههههه
هههههههههههه ايوه أكررررررررررررررررررررررررررهك..ههههههههه

يللا اخليك الحين
لا تخاف ما خلصت لي عوده^_*
قاعدين نتسلى انا وإنت ... هههههههههههههههههههههههههه

خافي الله فيني هههههههههه وربي خلي بس يوم يحطونك ع الكرسي اني اوررريك نجوم القايله ههههههههههه

ضامي العنا

03-16-2010, 07:39 AM

جووووووجو ههههههههههههههه
ارحموا من في الارض يرحمكم من في السماء
والله لو ذابح امج وبايق حلال ابوووج موجذي >> ههههههههههه

شفتي شلوون وطووووونه وربي عذاب مو أسئله هههههههههه بس ماعليك الدنيا دوووووووارهـ

ضامي العنا

03-16-2010, 07:40 AM

هههههههههههههههههههههههههه

بعده وطووووووونه حبيبتي ماشاف شئ ...

اسئلتي فالطرييييييييييييييج ههههههههههههههههههههههههه

:36_1_25[1]: شنهوووووووووووووووووو لسه ماسئلتي ههههههههه عيل الي فوق هذي شنهو مقدمه بس هههههههههههه

الجووهره أكرهك...أكرهك...أكرهك...أكرهك...أكرهك...أكرهك...أك رهك...أكرهك...أكرهك...أكرهك...أكرهك...أكرهك...أكره ك... ههههههههههههههه

رومــآنتك

03-16-2010, 03:31 PM

اقول ضامي ليش تشوفني غامظه؟؟

ولا بس تعبي فراغ ؟؟!! ومالقيت الا اسمي ض1

ضامي العنا

03-16-2010, 03:34 PM

اقول ضامي ليش تشوفني غامظه؟؟

ولا بس تعبي فراغ ؟؟!! ومالقيت الا اسمي ض1

بقولك ع الخاص <<<< يبي يقهرها ههههههههههه

رومــآنتك

03-16-2010, 03:42 PM

ناوي على عمرك ض1

ضامي العنا

03-16-2010, 03:51 PM

ناوي على عمرك ض1

وربي يوم قلت غامضه..قصدي لسه ماعرفتك..وجديده علينا.......بس...بعد برنامج يومك مع ضامي ..عرفتك عدل انك جد دمك خفيف وحبوبه ههههه<<< لايكثر وتجي تتوطى ببطنك ههههههه

رومــآنتك

03-16-2010, 04:42 PM

ايه اجل كذا

طيب ترآ مابيننا الا 16 يوم :36_1_12[1]:

ضامي العنا

03-16-2010, 05:04 PM

ايه اجل كذا

طيب ترآ مابيننا الا 16 يوم :36_1_12[1]:

الله يرحم امك لاتناظرين فينا كذا ترى أخاف..وبعدين لاتغمزين ترى فيها بااااند <<< متسبب يدور المشاكل هههههههه

وطــــن

03-17-2010, 01:23 AM

احم احم
صبحك الله بالخير مستر ضااااااامي
مثل ماقلتلي تبي تشوفني مره ثانيه >>> ماصدقت على الله
اوكي جايتك معي كم سؤال مرتبطين مع بعضهم

وين كانت مواليدك اي ديره ودراستك من الابتدائي لييين التخرج من الجامعه وين ؟؟؟
من اي جامعه تخرجت ( اسم الجامعه والتخصص )
وحاليا وين مكان السكن اي ديره ؟؟؟؟؟

مادري لييييه متوقعه منك اجابه دبلوماسيه نفس اللي قبل !!!!!!!!

ضامي العنا

03-17-2010, 09:21 AM

احم احم
صبحك الله بالخير مستر ضااااااامي
حياك الله مسز وطن بنت دوله منووووره دوم يالغلا..
مثل ماقلتلي تبي تشوفني مره ثانيه >>> ماصدقت على الله
<<< ولا عاد يقولها مره ثانيه تووووووووووبه
اوكي جايتك معي كم سؤال مرتبطين مع بعضهم

وين كانت مواليدك اي ديره
ولدت في المستشفى...
ودراستك من الابتدائي لييين التخرج من الجامعه وين ؟؟؟
دراستي في المدرسه
وكملت دراستي بالجامعه
من اي جامعه تخرجت ( اسم الجامعه والتخصص )
تخصصي هندسة بترول خريج سنه 2008 مع مرتبة الشرف والحمدلله<<< دافوووووور هههه
وحاليا وين مكان السكن اي ديره ؟؟؟؟؟
أسكن مع أهلي بالبيت

مادري لييييه متوقعه منك اجابه دبلوماسيه نفس اللي قبل !!!!!!!!
ماحبيت اخيب ظنك ولو عزيزه وغاليه <<< ياهي تكرهك الان كره العمى ههههههه

وربي منوووووره دوم مسز وطن ع فكره طانكيو ع حضورك دائماً

الجوهره

03-17-2010, 01:22 PM

يا هلا وغلا ...

1_ قال أحد الفلاسفه: ( السعاده ليست في الواقع والحقيقه، ولكنها في خيالنا، فإذا نزعنا من مسراتنا أحلامنا لم ندع شيئا منها)
فهل السعاده وهم نبحث عنه؟؟؟؟
2_ متى يحل الصمت بدل الكلام عندك؟
3_ لو عطوك جائزه نوبل ففي أي مجال تحب تكون الجائزة؟
4_ متى يحب ضامي ان يكتب ولماذا يكتب ولمن يكتب؟
5_ طلعت نزهه...رحله لأحد المتنزهات من من الاعضاء بتاخذه معاك؟
6_ من هو الشاعر الذي تشعر بأن قائده تدخل القلب بلا أذن ؟
7_ اغنيه تحب تسمعها دوووم وسبب اختيارك لها؟؟
8_ شخصيه ضامي في المنتدى هل هي نفسها خارج المنتدى؟؟
9_ شخص في المنتدى تتمنى انك تقابله وجها لوجه وليييييييييش؟؟
10_هل تؤمن:
_ الحب من النظره الأولى
_مخلوقات فضائيه
_اشباح
_السحر
_ ابراج الحظ

11_في حياتنا وايد صدف تمر بنا ... انت شو احلى صدفه صارت فحياتك؟
12_ صف لنا شعورك:
يوم ممطر
يوم تخرجك
يوم حار جدا
يوم كنت مريض
يوم فاتتك الطياره
يوم حصلت فيه مشكله بينك وبين صديقك
يوم زعلت شخص بمزحك الثقيل
يوم فاجئك احدهم بهديه غير متوقعه
يوم دخولك السجن بمنتدى لذه مشاعر
يوم العيد
يوم خفق فيه قلبك
يوم ضاعت فيه محفظة نقودك
يوم ذهابك للعمره

13_رسائل سريعه توجهها:
عذب المشاعر
عاشق السلطنه
كاره النساء
ماء الورد
وشلون مغليك
راجوو

14_إلى من توجه هذه الكلمات:
احبك
لن انساك
اسف من قلبي
الله يسامحك
الله معاك
اشتقت لك

15_ من تتمنى يكون بعدك فالكرسي؟
16_ ما رايك بالجوهره؟؟ >>>>>>>>> الله يستر فالاجابه خخخخخ
17_ لو قلت لك خلصت اسئله شو تقول لي؟

الجوهره

03-17-2010, 02:41 PM

باقي سؤال أخير ..

ما هي فصيله دمك؟؟؟

ضامي العنا

03-17-2010, 03:54 PM

يا هلا وغلا ...

هلابك زووود <<< هذي من وين تجيب الأسئله لعنبو شيطانها ماتخلص ههههههه

1_ قال أحد الفلاسفه: ( السعاده ليست في الواقع والحقيقه، ولكنها في خيالنا، فإذا نزعنا من مسراتنا أحلامنا لم ندع شيئا منها)
فهل السعاده وهم نبحث عنه؟؟؟؟

السعاده نحن من نصنعها..بتصرفاتنا وردة افعالنا...

أقرأي هذا الرابط...

http://www.alrehaili.net/blog/2008/04/05/90-10-principle-will-change-ur-life/ (http://www.alrehaili.net/blog/2008/04/05/90-10-principle-will-change-ur-life/)

2_ متى يحل الصمت بدل الكلام عندك؟

عندما أنجرح من شخص غالي ع قلبي...ينعقد لساني..

3_ لو عطوك جائزه نوبل ففي أي مجال تحب تكون الجائزة؟

الكتابهـ

4_ متى يحب ضامي ان يكتب ولماذا يكتب ولمن يكتب؟

ماكو وقت معين ..بس يمكن أخر الليل يكون الأفضل لي..

5_ طلعت نزهه...رحله لأحد المتنزهات من من الاعضاء بتاخذه معاك؟

الجميع..بس الصبايا تجيب محرم معاها ماأحنا ناقصين مشاكل هههههههه

6_ من هو الشاعر الذي تشعر بأن قائده تدخل القلب بلا أذن ؟

بدر بن عبدالمحسن..

7_ اغنيه تحب تسمعها دوووم وسبب اختيارك لها؟؟

http://www.youtube.com/watch?v=soh24kdficw&feature=related (http://www.youtube.com/watch?v=soh24kdficw&feature=related)

8_ شخصيه ضامي في المنتدى هل هي نفسها خارج المنتدى؟؟

نفسها...

9_ شخص في المنتدى تتمنى انك تقابله وجها لوجه وليييييييييش؟؟

ماكو...ولايهونون جميع...

10_هل تؤمن:

_ الحب من النظره الأولى

نعم

_مخلوقات فضائيه

لا

_اشباح

نعم

_السحر

نعم

_ ابراج الحظ

لا

11_في حياتنا وايد صدف تمر بنا ... انت شو احلى صدفه صارت فحياتك؟

تسجيلي بالجامعه..لانه كان ببالي شي ثاني ولكن سبحان الله..رايح مع زميلي عشان يسجل وبالأخير انا الي سجلت...

12_ صف لنا شعورك:
يوم ممطر

خاطري اطلع الشارع وأتغرق بالمطر..<<< سواها كذا مره بس لاتعلمون أحد ههههههه

يوم تخرجك

دموع الفرح..

يوم حار جدا

ألصمت...

يوم كنت مريض

الهدوووء

يوم فاتتك الطياره

أضحك ع برووودي <<< صارت له أكثر من مرهـ هههه

يوم حصلت فيه مشكله بينك وبين صديقك

الحمدلله ماقد مر علي هذا الموقف..

يوم زعلت شخص بمزحك الثقيل

الحمدلله ماقد مر علي هذا الموقف..<<< عناااااااااااااااااااااااااد

يوم فاجئك احدهم بهديه غير متوقعه

أضمه هههههههههههه

يوم دخولك السجن بمنتدى لذه مشاعر

لاتعليق <<< موضوعه وصل عند هيئه حقوق الأانسان هههههههههه

يوم العيد

فرح...وكشخه،،

يوم خفق فيه قلبك

طاير بالسماء...

يوم ضاعت فيه محفظة نقودك

مامر علي الموقف...

يوم ذهابك للعمره

أحاتي الزحمه بس...

13_رسائل سريعه توجهها:

عذب المشاعر

ماقدرت أفهمك..

عاشق السلطنه

مــبدع

كاره النساء

صعـــب

ماء الورد

أسف ماأعرفه..

وشلون مغليك

أسف ماأعرفه..

راجوو

كررررررررررررريهه

14_إلى من توجه هذه الكلمات:

احبك

الى كل من يحب ضامي العنا..

لن انساك

ملهمتي..

اسف من قلبي

راجوا..

الله يسامحك

هم راجوا ههههههه

الله معاك

للمسافر <<< كلش جايب شي جديد ههههههه

اشتقت لك

بقالة راجوا هههههههه

15_ من تتمنى يكون بعدك فالكرسي؟

<<< مو بس يتمنى الا قاعد يدعي بكل صلاه..بس خليه ساكت أحسن ههههههههه

16_ ما رايك بالجوهره؟؟ >>>>>>>>> الله يستر فالاجابه خخخخخ

حبوبه وقمة الاخلاق والذوق وأسم ع مسمى..

17_ لو قلت لك خلصت اسئله شو تقول لي؟

بقولك ....نصااااااااااااااااابه ههههههههههه

<<<< قاعد يشرب ماااي نشف ريقه ......

ضامي العنا

03-17-2010, 03:55 PM

باقي سؤال أخير ..

ما هي فصيله دمك؟؟؟

هههههههههههه ياجماعه أكرهههههههههههههها هههههههههه

وش تبين بفصيلة دمي ههههههه لايكون بتوظفيني ههههههه

ع العموم بما أنه أخر سؤال <<< يدري انها نصااابه

دمي o سالب...

الجوهره

03-17-2010, 09:27 PM

احم احم .. يللا ضامي نبدا بالاسئله ...

اقعد قعده صحيحه خخخخخخخخخخخخخخ

استعد ... ننطلق ههههههههههههه

1_ انا عندي سؤال إذا قرصتك بعوضه وش تسوي؟؟؟ >>>>>>> ما قرصتها بعوضه وعذبتها أبدخخخ
2_ هل انت مدمن انترنت؟؟
3_ هل تحب الاندومي؟؟
4_ وش اكثر نوع من السيارات تحب؟
5_ وش يعنون لك الهنود ؟؟
6_هل تحب اعضاء المنتدى كلهم ؟؟ >>>>>>>>> قولي قسم هههه
7_ متى يحس ضامي العنا بأنه قوي؟؟
8_ ما هي عيوب ضامي العنا؟؟
9_ متى تحس بالتعب وإنك سويت انجاز؟
10_ انا برايي انك تستحق انك تكون مشرف بها القسم شو رايك؟؟>>>>>> بتكلم المدير ههههههه عندي واسطه
11_ من اكثر واحد تمنيت تكفخه فالمنتدى؟؟
12_هل لاحظت سؤالين مكررين؟؟ >>>>>> من زود الحماس هههههههه
15_ كم مره قلت كلمه اكرهج وانت قاعد تقرأ الاسئله ؟؟؟ >>>>> بامانه هههههههه

ادري إنك كرهتني زوووود وودك تكفخني من اسألتي إللي ما تخلص بس وش اسوي متملله وما لقيت موضوع ابربر فيه غير هذا
اسفين >>>>> تخاف يكرهها اكثر خخخخخخ

وترا لي باااااااااااك>>>>>>> وش تبين تسألين اكثر من كذاا خخخخخخخ

الجوهره

03-17-2010, 09:30 PM

باقي سؤالين وبس

كم وزنك ؟؟
وكم طولك؟؟

خخخخخخخخخخخخ

ضامي العنا

03-18-2010, 04:07 AM

احم احم .. يللا ضامي نبدا بالاسئله ...

<<< يقول بخاطره كل هذا ولسه مابدينا هههههههه

اقعد قعده صحيحه خخخخخخخخخخخخخخ

وش عرفك ههههههه وربي كنت حاط اللاب ع السرير وتعدلت وحطيته بحضني <<<<اح حاااااار اللاب ههههههههه

استعد ... ننطلق ههههههههههههه

يلا ننطلق الله يعطينا خيرك هههههههه

1_ انا عندي سؤال إذا قرصتك بعوضه وش تسوي؟؟؟ >>>>>>> ما قرصتها بعوضه وعذبتها أبدخخخ

يويويو ياشينها وتقرص وانته ماتدري عنها ههههههه اهم شي لاتجي الوجهه وينتفخك ويهك ههههههه

2_ هل انت مدمن انترنت؟؟

لا عاااادي ...يمكن تشوفيني الان بس فجأه ههههههه أغيب اسبوع 10 أيام يعني تغير جو...ههههههه

3_ هل تحب الاندومي؟؟

والله اوقات مالنا الا اهيه ههههههههههه

4_ وش اكثر نوع من السيارات تحب؟

عشقي bmw<<< سيارته تبين يحط صورتها ههههههههه

5_ وش يعنون لك الهنود ؟؟

أعشق أفلامهم هههههههه كله تسدح وتبطح وأغاني وأخر الفيلم يطلع البطل اخو المجرم وأمهم بنت الجيران هههههههههههههههههههههه

6_هل تحب اعضاء المنتدى كلهم ؟؟ >>>>>>>>> قولي قسم هههه

كلهم ماعدا وحده أكرهها للحد النخاع <<< ركزي ع النخاع هههههه

7_ متى يحس ضامي العنا بأنه قوي؟؟

دائماً قوي والحمدلله ..عمري ماحسيت بالضعف..

8_ ما هي عيوب ضامي العنا؟؟

البروووود..

9_ متى تحس بالتعب وإنك سويت انجاز؟

لما أنهي مابديت من كتابة خاطرتي..

10_ انا برايي انك تستحق انك تكون مشرف بها القسم شو رايك؟؟>>>>>> بتكلم المدير ههههههه عندي واسطه

لن ولن..اقبل ان أكون مشرف أبداً وهذي رساله لك وولجميع شيلوا من بالكم سالفة الاشراف..وليس قصوراً بحق المنتدى او أصحابه لا والله ولكن قناعات خاصه بضامي العنا....

11_ من اكثر واحد تمنيت تكفخه فالمنتدى؟؟

العضو رقم 484

12_هل لاحظت سؤالين مكررين؟؟ >>>>>> من زود الحماس هههههههه

لا والله كلش مو مركز هههههههه

15_ كم مره قلت كلمه اكرهج وانت قاعد تقرأ الاسئله ؟؟؟ >>>>> بامانه هههههههه

ههههههههههههه وربي كانك حاااسه ههههههههههه مع كل حرف اقول أكرهك هههه بس شلون نقزتي من رقم 12 الى 15 اها شكلك مسحتي سؤالين ههههههه

ادري إنك كرهتني زوووود وودك تكفخني من اسألتي إللي ما تخلص بس وش اسوي متملله وما لقيت موضوع ابربر فيه غير هذا
اسفين >>>>> تخاف يكرهها اكثر خخخخخخ

وربي بالعكس اكون مبسوووط بشوفتك هنا <<< لاتحلف ياشيخ ههههههههههه

وترا لي باااااااااااك>>>>>>> وش تبين تسألين اكثر من كذاا خخخخخخخ

من جد ههههههههههه وش بقى تسألين ههههههههه

ضامي العنا

03-18-2010, 04:11 AM

باقي سؤالين وبس

كم وزنك ؟؟

64 كجم

وكم طولك؟؟

169سم

خخخخخخخخخخخخ

رقم بطاقتي السكانيه (يمنع عرض أرقام الهواتف بدون أذن الإدارة)
رقم تأميني الأجتماعي 45178
رقم حسابي بالبنك (يمنع عرض أرقام الهواتف بدون أذن الإدارة)21001

ههههههههههههههههههههه حسبي الله ع ابليسك معقوله لسه عندك أسأله هههههههههههه حتى ارقام بطايقي كتبتها هههه

الجوهره

03-18-2010, 03:18 PM

هلا ..

كم سؤال خطر على بالي بعد عمليه عصر المخ... خخخخخخخ

1_ كيف الحال؟؟
2_شخبار الكرسي معاك؟
3_ عسى ما ازعجوك وثقلوا عليك بالاسئله؟؟>>>>>>>> قولي وانا بتصرف معاهم..خخخخ
4_تخيل سلموك إداره المنتدى قلت تخيل مو تصدق وتبلشني ويا المدير خخخ
زين تخيل من راح تعطي باند؟؟
5_هل انت من إللي يعانون من ضعف النظر يعني تلبس نظاره؟؟
6_هل انت مدخن؟؟
7_إذا قبض عليك ظلما في الشرطه واعطوك تهمه باطله وقرروا اعدامك وقبل اعدامك اعطوك 5 دقايق للحياه... ماذا سوف تفعل؟؟ ((( لا سمح الله هذا بس مجرد سؤال ما بفاول عليك)).
8_ ما رايك من يقول ان دموع الرجل دليل ضعفه؟
9_منو من الاعضاء شخصيته مثل شخصيتك؟
10_ منو من الاعضاء تعجبك شخصيته بدون مجامله؟
11_لو عينت بأحد هذه المناصب ما هو اول قرار راح تتأخذه:
_وزير التربيه والتعليم
_ المدير العام لمنتدى لذه مشاعر
_ رئيس ورشه في الصناعيه

12_وش اسمك الحقيقي؟؟ >>>>> ,والله سؤال مهم وحبيت اخليه اخر سؤال هههههه

عسى بس ما ثقلت عليك اخوي ضامي ..

الجوهره

03-18-2010, 03:20 PM

شو رايك تكمل اسبووع ثاني فالكرسي ؟؟؟؟ ...

ضامي العنا

03-18-2010, 04:27 PM

هلا ..

كم سؤال خطر على بالي بعد عمليه عصر المخ... خخخخخخخ

أختي حياك الله في اي ساعه وباي وقت..

1_ كيف الحال؟؟

بخير بشوفة الطيبين شرواك..

2_شخبار الكرسي معاك؟

الحمدلله <<< متى بيخلص ذا الكرسي هههههه

3_ عسى ما ازعجوك وثقلوا عليك بالاسئله؟؟>>>>>>>> قولي وانا بتصرف معاهم..خخخخ

بالعكس مبسوط بسوالف مع الجميع...

4_تخيل سلموك إداره المنتدى قلت تخيل مو تصدق وتبلشني ويا المدير خخخ
زين تخيل من راح تعطي باند؟؟

لا مستحيل الكل على راسي من فووووق...ماكو كلش باند..

5_هل انت من إللي يعانون من ضعف النظر يعني تلبس نظاره؟؟

لا الحمدلله نظري 6 ع 6....

6_هل انت مدخن؟؟

غير مدخن ومستحيل أجلس بمجلس فيه مدخنين..والحمدلله ربعي كلهم غير مدخنين..

7_إذا قبض عليك ظلما في الشرطه واعطوك تهمه باطله وقرروا اعدامك وقبل اعدامك اعطوك 5 دقايق للحياه... ماذا سوف تفعل؟؟ ((( لا سمح الله هذا بس مجرد سؤال ما بفاول عليك)).

أصلي ركعتين للوجه الله..

8_ ما رايك من يقول ان دموع الرجل دليل ضعفه؟

الرجل مشاعر وأحاسيس والدموع عمرها ماكانت مقياس ضعف او رجوله..

9_منو من الاعضاء شخصيته مثل شخصيتك؟

مااعتقد اكو تشابه كل واحد وله اسلوبه وشخصيته..

10_ منو من الاعضاء تعجبك شخصيته بدون مجامله؟

الكل ماشاء الله تبارك الله..

11_لو عينت بأحد هذه المناصب ما هو اول قرار راح تتأخذه:

_وزير التربيه والتعليم

تجديد المناهج...

_ المدير العام لمنتدى لذه مشاعر

أختيار نائب للمدير وأعطائه كامل الصلاحيات في حالة عدم تواجد المدير..
أختيار لكل قسم 2 مشرفين ومراقب واحد...
عمل مسابقات في كل قسم باأداره المشرفين والمراقب والاختيار شهرياً افضل قسم..
عمل أجتماع شبه أسبوعي بين الاداره(مشرفين مراقبين ومدير)

_ رئيس ورشه في الصناعيه

وربي عجزت اجاوب هههههههه حسبي الله ع أبليسك وش تحسين فيه هههههه على هالسؤال ههههههه

12_وش اسمك الحقيقي؟؟ >>>>> ,والله سؤال مهم وحبيت اخليه اخر سؤال هههههه

أعتذر عن الأجابه...

عسى بس ما ثقلت عليك اخوي ضامي ..

بالعكس أختي جواهر يزيدني شرف حضورك وتواصلك...ودائماً أسئلتك عسل ع قلبي...

مشكوره ع الأسئله والله لايحرمني من تواجدك دووم,...

ضامي العنا

03-18-2010, 04:29 PM

شو رايك تكمل اسبووع ثاني فالكرسي ؟؟؟؟ ...

هههههههههه وربي عادي ..صدقيني مستمتع بالجلسه أهنيه هههههههههههه وبسم الله عليك مو مقصره قايمه بضيافه وزود بعد...

ضامي العنا

03-19-2010, 03:28 AM

تسولف نيابة عن الجوهرة وتقول شي بخاطرها نست تقوله لك وش رأيك تضيفني بكرت العائلة تبعكم ههههههههههههههههههههههه

منوووره خيتو أخلاق ودوووووم يارب الضحكه...

جليس القمر

03-19-2010, 03:31 AM

يرجى التقيد بلاسئله وعدم الاريحيه الخارجه عن القوانين

لكم الشكر

ضامي العنا

03-19-2010, 03:34 AM

يرجى التقيد بلاسئله وعدم الاريحيه الخارجه عن القوانين

لكم الشكر

شكراً لك....ولاهنت.

وشلون مغليك

03-19-2010, 05:10 AM

جا دوري انا ضامي!!!!!!!!!!!1

1. لمن تسألك الجوهرة كم كانت درجة حرارتك؟

2. كم عدد الاسئلة اللي طرحتها عليك الجوهرة؟
3. لو قالو لك غير النيك نيم تبع الجوهرة شو بتغيره؟

وشكرآآآآآآ

ضامي العنا

03-19-2010, 10:39 AM

جا دوري انا ضامي!!!!!!!!!!!1

1. لمن تسألك الجوهرة كم كانت درجة حرارتك؟

2. كم عدد الاسئلة اللي طرحتها عليك الجوهرة؟
3. لو قالو لك غير النيك نيم تبع الجوهرة شو بتغيره؟

وشكرآآآآآآ

لبى روحك...لي عودة للأجابه بعد صلاة الجمعه أن شاء الله

وطــــن

03-19-2010, 03:49 PM

ضامي العنا

03-19-2010, 03:59 PM

مسااااااء الخيراااات
عسى ماشر >>> مستر ضامي
بكل سهوله تقدر تقول ياوطن مابي اجاوب ع اسئلتج
موتجاوبلي اجابات مش ولا بد كل مره
اشدعوه كلهم سؤالين عادي مافيهم شي ,,, والا تبيني اصير لك مثل الجوهره ,,, ماترحمك فديتهاااااااا
وسوووووري ع الازعاج ,,, اخر تواجد لي بالكرسي مالك
اتمنى لك جلسه سعيده
مع السلامه ,,,,,

وطن افا عليك بس دنتي الخير والبركه كلها <<< قلب مصري هههههه

لا والله يالغلا ماهو مسئله استهزاء او تنقيص بقدرك لا وربي انك عزيزه وغاليه ووجودك أهنيه بحد ذاته شرف لي..ولكن العذر منك والسموحه ولا اقصد شي يالغاليه..

دمتي بصحه وعافيه...

ضامي العنا

03-19-2010, 04:01 PM

جا دوري انا ضامي!!!!!!!!!!!1

حياك الله اخوي وعين فراش وعين لحاااف..

1. لمن تسألك الجوهرة كم كانت درجة حرارتك؟

يمكن 37 او اقل <<< كلش باااااااااااااااااااااارد هههههههههه

2. كم عدد الاسئلة اللي طرحتها عليك الجوهرة؟

والله ماادري بس اعتقد لسه ماخلصت ههههههه انا ماادري من وين تجيب هالأسئله..بس هم منوره الله يسعدها ماتقصر...ولاتهون اخوي والبقيه

3. لو قالو لك غير النيك نيم تبع الجوهرة شو بتغيره؟

السجينه رقم 214578

وشكرآآآآآآ

العفو يالغالي..ومشكور ع المرور والمشاركه

•~{بًسْمًهً أمًيُرهً ••

03-20-2010, 06:31 PM

ضامي العنا

03-20-2010, 07:58 PM

هاااااااااااااااااااي ضامي أخبارك مستعد لسؤالـــــــــــــــــــــــي
ممكن تجاوب عليه

بليــــــــــــــز تجاوب بصراااااحه
[
size][/color]

مووووو هذي الأسئله و الباااااااااااقي أعظم فجهز حاااااااااااالك... فيلم أكشـــــــــــــــــــــــــــن

ههههههههههههه حسبي الله ع ابليسك سبع التحاسيب هههههههه وين اسؤال هجيتي بطني ههههههههه

حياك أختي ومروك بحد ذاته يشرفني ويسعدني...لاهنتي...

مجنونة بأفكاري

03-22-2010, 12:58 AM

http://www.al-wed.com/pic-vb/980.gif
صباحك ورد ضامي ...منور الكرسي ...
أخبارك بعد أسئلة جوجو ...>> مو مجربتها ابد هههههههههه
..................................
ببدا بالأسئله ....
- أمنحني فرصه .... لمن تقولها ؟؟
- كلمه ( مستحيل ) هل قلتها من قبل ..؟ وعلى إي شي قلتها ؟
- لو أحد أستامنته على شي وخانك ...هل ستعاتبه ؟ أم تنزعه من قلبك وتفكيرك ..مع العلم أن له مكانه بقلبك ؟؟
موقف صار لك وانت مسافر وعمرك ماراح تنساه ..؟؟
-كلمه تلازمك في أي حوار في حياتك اليوميه ....؟؟
ان شاء الله ماأكون ثقلت عليك بالأسئله ...وبالتوفيق يارب .

ضامي العنا

03-22-2010, 02:11 PM

http://www.al-wed.com/pic-vb/980.gif
صباحك ورد ضامي ...منور الكرسي ...

صباحك ياسمين...

أخبارك بعد أسئلة جوجو ...>> مو مجربتها ابد هههههههههه

تصدقين أفتقدتها ههههههههه ولكن الكل فيه البركه..
..................................
ببدا بالأسئله ....
- أمنحني فرصه .... لمن تقولها ؟؟

للزمن...

- كلمه ( مستحيل ) هل قلتها من قبل ..؟ وعلى إي شي قلتها ؟

الحمدلله لاتوجد في قاموسي لانه لايوجد مستحيل مع التجربه والمحاولهـ.

- لو أحد أستامنته على شي وخانك ...هل ستعاتبه ؟ أم تنزعه من قلبك وتفكيرك ..مع العلم أن له مكانه بقلبك ؟؟

ساأعاتبه واناقشه ولكن لن يخرج من قلبي وستبقى مكانته في الحفظ والصون ولكن مع بعض التحفظات..

موقف صار لك وانت مسافر وعمرك ماراح تنساه ..؟؟

طلعت مع ربعي الى مخيم باأبها والموقف المضحك اني نمت من يوم مشينا من البيت ولا قعدت من النوم الا باأبها 15 ساعه نووووووووووووووووم الى الان الشباب يذكروني فيه ههههه

-كلمه تلازمك في أي حوار في حياتك اليوميه ....؟؟

ماعندك مشكله ههههههه تصدقين مو قادر اشيلها من لساني هههه

ان شاء الله ماأكون ثقلت عليك بالأسئله ...وبالتوفيق يارب .

الله يسعدك وربي دوم تواجدك يسعدني وياليت اشوووفك هنا ثاني مرررره <<< لاتصدقين يمزح هههههههه